AYO MABOK!


Setuju ora setuju soal mabok sing jelas rubrik iki pancen nyleneh. Tapi masio ngono iki wajib diwoco kanggo arek-arek sing doyan mabok nggak pandang cumak ngombe gae iseng-iseng utowo pancen wes dadi kebutuhan urip kanggo sangu nang neroko….Amin. Saiki lagi marak berita arek mabok alias ngombe sampek teller kebabasan bongko alias matek. Goro-gorone ngombe minuman aplosan sing gak ngerti piye asal usule aplosane mau. Ono sing di aplos karo kratingdeng, sprit, cocacola, extra joss sampek pertus lan liyo liyane. Sak temene sing nyebabno minuman mau diaplos mergane pancen rasane alcohol iku pait banget. Trus sing ngombe kepingine iso teller tapi ora nyikso ilat. Yo dadine minuman iku mau di oplos opo wae sing penting ora nyikso ilat. Bedo maneh yen wis nyekel duwit pas pasan tapi pengen ngombe dadine tuku omben sing murah meriah tapi di oplos karo bahan-bahan sing kirane iso nambah efek mabok. Arek model ngene iki kari ngenteni urusan kuburan rek….mergane arek iki ora mikir maneh nasib jantung lan paru-parune bakale ancur.

Sing dodol omben pisan yo ngerti keadaan konsumen. Dadine dodol omben kelas ekonomi sing murah meriah tapi iso gawe teller sing ngombe. Malahan nang endi-endi wes ono minuman bermerk tapi isine wes palsu alias oplosane bakule. Biyen yen mari ngombe Topi Miring nang awak rasane mabok mlaku sempoyongan opo maneh digawe nyenok/nge-lonthe tambah joss. Tapi saiki mari ngombe Topi Miring sak botol wae rasane kate mlaku wae nang endhas loro kabeh, ojok’o kate nyenok lha wong mbedakno wadon lan banci wae susah. Pancen bakul keparat-keparat iku nyampur utowo ngaplos banyu biasa karo alcohol botolan cilik sing regane nang toko-toko telung ewuan. Mangkane yen mari ngombe banjur turu dadine sesok tangi koyo digepuk’i armed sak asrama. Iku salah sijine merk minuman sing di aplos.

Nah yen wes ngene dadine awak dewe sebagai konsumen bener-bener dirugi’no. Padahal penjual koyok ngono kuwi iso kenek pasal perlindungan konsumen. Lan kejadian minuman oplosan barang ora genah koyo mengkono iku wis akeh korban dadi lan patine. Yen awak’e dewe keracunan omben koyok mengkono banjur lapor polisi….wah dadi lan gawene. Sing dodol minuman di cekel polisi terus sing keracunan yo dicekel polisi mergane sing keracunan terbukti mari ngombe. Tapi kadang sing dodol minuman saiki podho pinter nyogok aparat. Mergane sing aparat sebagian yo ono sing gelem disogok. Dadi saiki sing dodol omben mari digrebeg polisi sesok iso dodol maneh lan gawe oplosan sing luweh kejem maneh. Terus  sing mari keracunan omben bareng wis waras  ijik bingung golek omben maneh.

Dadi yen disimpulno utowo pamungkase crito soal ngombe iki sing luweh becik mendingan orah usah ngombe. Ngombe iso ngrusak awak, pikiran lan iman. Karo maneh wong doyan ngombe iku wes mesti ono maksiat tambahane. Mari ngombe iso digandeng karo nyolong, iso digandeng karo madhon utowo nyenok, iso ugo digandeng karo judi, utowo iso ugo dadi lan tukarane carok karo podho koncone. Sepisan maneh, ojo ngombe wedi  karo aparat, morotuo, isin karo konco tapi wedio karo Gusti Allah sing nyediakno neroko.

Coro lan carane wong mabok :

  1. tuku ombean ojo utang mergane yen kowe kebablasan mati, sing nyaur utang melu doso.
  2. ngombe minuman jenis opo wae sing aplosan utowo murni siap-siapo mari ngombe bakal mati mendelik.
  3. sak durunge ngombe di anjurno gawe surat wasiat, yen nduwe donyo ojo lali ndang disebutno sopo bakale sing nompo warisanmu.
  4. luwih aman ngombe karo aparat mergane mburine koyok’e bakal gak ono masalah yen digrebeg.
  5. paling penak ngombe digawe nyolong. Mergane selain nambah kendhel yen konangan wong kampong terus digepuk’i ora sepiro larane, weruh-weruh mati.

5 Tanggapan

  1. sekedar berbagi:
    paling enak tuku miras nang Amyang…..mergane yen tuku ora gae botol, dadi langsung wis plastikan dadi ora ketoro. karo maneh bakule yo pengalaman, termasuk pengalaman nyogok aparat. dadi masio wis digrebeg sesok pancet dodol maneh….ssstttt…..
    Lha yen tuku nang ngarepe gerejo tetep gae botol, tambul kacange akeh sing tengik, tapi yen wis mabok gak ngorosss.
    ….hidup…amyaaaaaaaaaaaaaaaang!

  2. Yen aku wis kapok rek mabok, waktu jik sekolah SMAN Ambulu,goro2 mabok singitan nang Gunung Kontol aku Keturon lan nginep nang kono…Kuapok poooolllllll……

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: