GNI


GNI

Wah, yen nyawang foto GNI Ambulu iki rasane mbalek maneh nang tahun sing joyo-joyone GNI. VCD akeh sing durung duwe opo maneh HP, dadine sumber hiburan sing utama nang Ambulu ora ono maneh kejobo nonton bioskop bebarengan. Waktu iku sing lagi nge-top film India karo mandarin, tapi pancen sing mecahno rekor penontone mesti film India. Iki dhudhuk demo you ugo dhudhuk unjuk rasa tapi penonton sing paling akeh soko deso kauman sampek rupane akeh sing koyok India…hehehehe. Durung ketambahan soko deso liyane dadine masio India diputer sampek telung dino rasane penontone isih ono wae sing antri mlebu nonton. Mergane sing dadi pecintane film India iku ora soko arek-arek enom lanang wadhon thok. Terutama ibu-ibu sampek embah-embah nggowo anak-anak’e mbelani nonton film India iki. Sampek carane ben iso tuku karcis gawe nonton India macem-macem. Ono sing nglelang sandangan, adol pitik, golek utangan nang bank plecit lan liyo-liyane sing penting iso ndelok mas Amitabh Bachchan sing teko Bollywood.  Ono maneh sing kemedan film Mandarin. Nganti gaya hidupe melu wong mandarin. Bocah enom podo gawe Gank, carok mrono-mrene antar Gank. Padahal yo podo ambulune. Semono ugo sing kemedan film “Lupus” mrono-mrene lanang wadon mangan permen karet karo seragame digulung kiwo tengen lan rambut belah tengah. Dipikir podo gantenge koyok Ryan Hidayat. Pancen GNI iku bener-bener lan nyoto-nyoto wes gae masyarakat Ambulu lan sekitare terhibur lan keblinger.

Film sing diputer wayah malam minggu mesti film sing lagi ngetop lan anyar. Gak layak yen GNI ono jadwal sing jenenge “midnight show”. Film iki diputer biasae sekitar jam 12 bengi. Sing delok biase arek-arek enom yo lanang yo wadhon.  Banjur wayah Minggu isuk jam 9 diarani Exstra show. Lan wayah sabtu awan sak marine arek sekolah podho mulih, GNI muter film jam 1 awan sing di arani “student show” . Nah yen wayah keloroan iki akeh arek enom akeh sing podho nonton mulai soko arek sekolah, pengangguran, preman, banci keparat, maling, rampok, koruptor, copet lan sak panunggalane tumpek blek dadi siji gak lanang gak wadhon sampek ambune kringet lan rokok mbulet dadi siji sak GNI. Mangkane yo gak heran yen wayah iki dadi kesempatane arek enom pacaran. Merganse regane karcis murah banget nanging film sing diputer film sing wes lawas. Tapi masio ngono sing ndelok akeh banget. Ono sing perlune pancen nonton film, ono sing niat golek cewek, golek copetan malahan ono sing niat nggowo pacare ben iso maen cabul cabulan yen wayah peteng mergane film wes diputer. Yen wis maen cabul koyok ngene ora kroso film wes entek tapi rasane sediluk padahal wes maen 2 jam. Malah sangking asyik ngobok-ngobok pacare sampek judule film sing maen ora weruh. Pancen GNI nyimpen akeh kenangan sing unik-unik kanggo wargane Ambulu lan sekitare.

Tapi saiki GNI ora kerumat babar blas, dadine pak polisi manfaatno nggawe pos nang kono. Wes ganti camat piro wae tapi ora iso manfaatno GNI sing iso diarani wajah Ambulu. Tata kotane yo pancet semrawut ora jelas sampek saiki. Kabeh podho repot golek pangan dewe-dewe. Mbiyen GNI pancen gawe ngangeni nang ati tapi saiki justru malah GNI disirik’i wong gak helm’an mergane akeh pak polisi nang kono sing kadang-kadang nilang pengendara motor sing ndableg. Pancen GNI iku miturut wong-wong sing nduwe tanah wong akeh tapi ora jelas piye asal muasale. Mugo-mugo ono camat sing iso mecahno kasus GNI nang dino ngarep lan iso dimanfaatno sing efektif. Mergane tata kota iku tanggung jawabe pemda setempat utamane. GNI sing disawang ora enak nang moto iku yo mugo ora gawe kotore pemandangan kota Ambulu. Ambulu bakale dadi kota gedhe sing butuhno tata kota sing jelas ora semrawut. Ora usah gusur kaki lima kono kene sing penting iku penertiban sing efektif. Kota makmur iku kota sing akeh pedagang kaki limane mergane iku tondo yen masyarakat kono kreatif. Contone kota Malioboro lan pasar klewer Jateng, pedagang kaki limane ora iso diitung tapi pemda kono pinter nertib-no kabeh mangkane kotane rame kreatifitas tapi ora semrawut lan turis-turis akeh sing krasan. Jelas bedo adoh karo nang Ambulu, wes semrawut sing akeh dhuduk turis malah wong gendheng kliweran sampek sing waras katut gendeng.

Awak dewe kabeh pengen Ambulu tambah ganteng lang ayu sing ngangen-no ati………ayo berjuang!

GEDUNG GNI AMBULU

GEDUNG GNI AMBULU

Foto-foto kenangan ambulu klik nang kene

3 Tanggapan

  1. wahhh jan apik tenan koleksine, ak yen ndelok yo ugo kelingan karo naliko semono moso rame-ramene GNI…………. Jan matur nuwun tenan

  2. ayo… dibangun lagi bioskopnya.. q belum pernah ngerasain nonton bioskop di GNI neh..😦

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: